நவராத்திரி விழா - விற்பனைக்கு வந்த கொலு பொம்மைகள்; ரூ.70 முதல் ரூ.1,390 வரை விலை உள்ள பொம்மைகள் விற்பனை..

நவராத்திரி விழா இந்த மாதம் 11-ஆம் தேதி தொடங்கி 19-ஆம் தேதி வரை கொண்டாடப்பட உள்ளது. இதையடுத்து, திருப்பூர் மாவட்டம் உடுமலையில் ஏராளமான கொலு பொம்மைகள் விற்பனைக்கு வந்துள்ளன. மரப்பாச்சி பொம்மைகள், அத்திவரதர், திருமலை வெங்கடாசலபதி, அஷ்டலட்சுமி, மீனாட்சி கல்யாணம், தசாவதாரம் போன்ற கடவுளர் சிலைகள் தவிர, விலங்குகள் உள்பட 50-க்கும் மேலான புதிய வகை பொம்மைகள் விற்பனைக்கு வந்துள்ளன. 70 ரூபாய் முதல் ஆயிரத்து 390 ரூபாய் வரையிலான விலையில் பொம்மைகள் உள்ளதாக விற்பனையாளர்கள் தெரிவித்தனர்.