AA 23 | అల్లు అర్జున్–లోకేష్ కనగరాజ్ సినిమా ఆగిపోయిందా?.. అసలు విషయం ఇదే!

AA 23 | ఐకాన్ స్టార్ అల్లు అర్జున్ తన కెరీర్‌ను మరో స్థాయికి తీసుకెళ్లేలా వరుసగా భారీ ప్రాజెక్టులను లైన్‌లో పెడుతున్నారు. ‘పుష్ప’ తర్వాత దేశవ్యాప్తంగా తన మార్కెట్‌ను మరింత విస్తరించుకున్న బన్నీ.. ఇప్పుడు కథల ఎంపికలోనూ చాలా జాగ్రత్తగా వ్యవహరిస్తున్నారు. ఈ క్రమంలో ఆయన చేయబోయే సినిమాల్లో అత్యంత ఆసక్తిని రేకెత్తిస్తున్న ప్రాజెక్టుల్లో దర్శకుడు లోకేష్ కనగరాజ్‌తో చేయనున్న చిత్రం ఒకటి.అల్లు అర్జున్ కెరీర్‌లో 23వ సినిమాగా ఈ ప్రాజెక్ట్‌ను గతంలోనే అధికారికంగా ప్రకటించారు.